توك صغيرة وابتديتي تحبين ..

توكـ صغيرهـ وابتديتي تحبينـ ...!!!

توّك صغيره وابتديتي تحـــــــــــــبين
من علّمك ليل السهر ياصغــــــيره ؟

بدري عليك العشق يابنت هاللـــحين
حرام هذا القلب وشـــــهو مصيره ؟

انتي بريئه في الهوا ليــــه تشقين ؟
دروبه طوال ٍ عليك وعسيــــــــــره

رحتي بدرب ٍ مالــــه اصلا ً عناوين
وانتي مشاويـــــرك من اول قصيره

ياطفلة ٍ حبّت وراحت على ويــن ؟
عقب الهنا ذقتي الحياه المــــريره

وينك ووين الحب والشوق والبين؟
عنّيتي عيــــــونك وصرتي سهيره

امحق تسلّي كان ودّك تسلّـــــــين
الورد لولا اللّون وشهو عبــيره ؟

خلّيتي دروسك وصرتي تحــــاتين
الدرس في ديره وصرتي بــــــديره

وصرتي بعد من غير هذا تغــارين
والمشكله يابنت منتـــــــــي خبيره

نصيحتي لك كان ودّك تـــــــــردين
يم السعاده والحيــــــــــــاه المثيره

خلّك بجو العايله لا تعــــــــــــــدّين
ماما وبابا والعــــــــــجوز الظريره

شيبانك اللّي مايبونك تعــــــــــانين
من بينهم عشتي كأنـّـــــــــك أميره

الحب قبلك هــــــــــز ناس ٍ كثيرين
وخلاّ القلوب تعيش هــــــم ٍ وحيره

الحب يفضح لا انكشف داخل العين
وانتي بنفــّــــــسك ماهقيتك بصيره

طيعي كـــــلامي واحذري لا تمادين
تراجعي لاعل في الأمر خـــــــــيره

عيشي الطفوله والبراءه لك سنين
وبـــــــــــعدين حبّي لا غديتي كبيره